◆ युवकाच्या डोक्यात सतूर हाणला
वणी वृत्तवेध :शिरपूर पोलीस स्टेशन अंतर्गत येणाऱ्या चारगाव येथे क्षुल्लक कारणावरून एका 35 वर्षीय युवकावर जीवघेणा हल्ला झाल्याची धक्कादायक घटना घडली. झोपेत असलेल्या युवकाच्या डोक्यात सतूरने वार करण्यात आल्याने परिसरात खळबळ उडाली आहे.
चारगाव येथील विक्की सातपुते (वय 35) हा घुगूस येथील एका खासगी कंपनीत काम करतो. तर त्याच्या घरा शेजारी शंकर डाखरे (वय 25) हा राहतो विक्की हा सारखा घराकडे पाहत असतो त्याला अनेकदा शंकर ने हटकले मात्र तो ऐकण्याच्या मानसिकतेत नव्हता
दि 13 मे ला दुपारी शंकर डाखरेने हातात सतूर घेऊन विक्कीच्या घरी प्रवेश केला आणि झोपेत असलेल्या विक्कीच्या डोक्यावर जोरदार वार केला.या हल्ल्यात विक्की सातपुते गंभीर जखमी झाला असून त्याला तातडीने चंद्रपूर येथे उपचारासाठी हलविण्यात आले आहे. घटनेनंतर परिसरात भीतीचे वातावरण निर्माण झाले आहे.
दरम्यान, शिरपूर पोलिसांनी तात्काळ कारवाई करत आरोपी शंकर डाखरे याला अटक केली असून त्याच्यावर जीवे मारण्याचा प्रयत्न करीत असल्याचा गुन्हा नोंद करून पुढील तपास सुरू आहे.
