वणी वृत्तवेध : शिवसेना उद्धव बाळासाहेब ठाकरे पक्षाच्या युवा सेनेत वणी-आर्णी विधानसभा क्षेत्रातील युवा कार्यकर्ते समीर लेनगुळे यांची युवा सेना जिल्हाप्रमुखपदी नियुक्ती करण्यात आली आहे. त्यांच्या नियुक्तीमुळे युवकांमध्ये उत्साहाचे वातावरण निर्माण झाले आहे.
आमदार संजय देरकर यांच्या नेतृत्वाखाली ही नियुक्ती करण्यात आली असून, युवकांना संघटित करण्यासाठी समीर लेनगुळे प्रभावीपणे काम करतील, असा विश्वास कार्यकर्त्यांनी व्यक्त केला आहे.
अल्पावधीत पक्षनिष्ठा, सक्रिय सहभाग आणि संघटन कौशल्यामुळे समीर लेनगुळे यांनी स्वतःची वेगळी ओळख निर्माण केली आहे. त्यांच्या नियुक्तीनंतर वणी-आर्णी विधानसभा क्षेत्रात युवा सेनेला अधिक बळ मिळणार असल्याची चर्चा राजकीय वर्तुळात सुरू आहे.
“युवा नेतृत्वाला संधी मिळाल्याने पक्ष अधिक मजबूत होईल,” अशा प्रतिक्रिया शिवसैनिकांकडून व्यक्त होत आहेत.
