◆आमदार देरकर यांच्या हस्ते ध्वजारोहण
वणी वृत्तवेध : 66 वा महाराष्ट्र दिन तहसील कार्यालय येथे उत्साहात साजरा करण्यात आला आमदार संजय देरकर यांच्या हस्ते ध्वजारोहण सोहळा पार पडला.
या प्रसंगी आमदार देरकर यांनी उपस्थितांना महाराष्ट्र दिनाच्या शुभेच्छा देत राज्याच्या प्रगतीसाठी सर्वांनी एकत्रितपणे कार्य करण्याचे आवाहन केले. तसेच महाराष्ट्राच्या विकासात प्रत्येक नागरिकाचा सहभाग महत्त्वाचा असल्याचे त्यांनी नमूद केले.
कार्यक्रमाला उपविभागीय अधिकारी नितीनकुमार हिंगोले, तहसीलदार निखिल धुळधर, उपविभागीय पोलीस अधिकारी दळवी, निवासी नायब तहसीलदार मनीष निमेकर, नायब तहसिलदार विवेक पांडे, ठाणेदार गोपाल उंबरकर, तसेच विविध विभागांचे अधिकारी, कर्मचारी तसेच नागरिक मोठ्या संख्येने उपस्थित होते. ध्वजारोहणानंतर राष्ट्रगीताने कार्यक्रमाची सांगता करण्यात आली.
